Wilaya

Mkoa unapambana na tatizo la UKIMWI kwa kushirikisha taasisi za Serikali Kuu, Serikali za Mitaa, Mashirika yasiyo ya kiserikali, asasi za kijamii (CBOs/NGOs), taasisi za dini (FBOs), sekta binafsi na wananchi kwa jumla.  Kazi kubwa zilizofanyika ni pamoja na kutoa elimu kwa jamii mijini na vijijini na kwenye makundi mbalimbali- wafanyakazi, wanafunzi, vijana n.k., kuanzisha na kueneza vituo vya kupima virusi vya UKIMWI, kuimarisha kamati za UKIMWI ngazi zote hadi vijijini n.k.  Pia Halmashauri na asasi mbalimbali zinasaidia watoto yatima na wanaokabiliwa na mazingira magumu kutokana na tatizo la UKIMWI

Kampeni ya Kupima Virusi vya UKIMWI kwa hiari, iliyoanza Mkoani mwanzoni mwa Septemba 2007 hadi tarehe 30 Aprili 2008 ilikuwa na mafanikio kutokana na kufikia asilimia 101 ya walengwa.  Katika Kampeni hiyo kiwango cha maambukizi kilionekana kuwa asilimia 3.9 (ikiwa 3.0 miongoni mwa Wanaume na asilimia 4.6 kwa Wanawake).  Wastani wa Kitaifa ni asilimia 5

Ili kufikia malengo ya kuwa na zahanati kila kijiji, kituo cha Afya kwenye kila Kata na Hospitali ya Serikali moja kwa kila Wilaya, Mkoa (pamoja na Halmashauri na wadau wengine) utahitajika kujenga Hospitali 3 (Kilindi, Tanga na Mkinga).  Vituo vya Afya 123 na zahanati 440.

Ili kutimiza lengo la kuwa na miundombinu ya huduma hizo, fedha zitakazohitajika ni kama ifuatavyo:

• Ujenzi wa zahanati 440         -        sh. Bilioni 14.75
• Ujenzi wa vituo vya afya 123-         sh. Bilioni 30.75
• Ujenzi wa Hospitali 3             -        sh. Bilioni   6.00

                                                Jumla  sh. Bilioni 51.50

Ili Mkoa ujitosheleze kutoa huduma za tiba na kinga kwenye maeneo yote ya  Serikali za Mitaa, watumishi wa kada mbalimbali wanahitajika.  Kiwango cha upungufu wa watumishi wa Afya kwa Mkoa kufikia hadi Juni 2008 ni kama ilivyo kwenye jewali lifuatalo:

1. 1. Wilaya za Tanga, Mkinga na Kilindi hazina hospitali za Wilaya. Serikali inaombwa kutoa kipaumbele kwenye kutoa fedha za kutosha kuwezesha ujenzi wa hospitali katika wilaya hizo.
2. Mkoa una jumla ya zahanati 246 badala ya 716 zinazohitajika. Wananchi wataendelea kuhimizwa kuanzisha na kuendeleza ujenzi wa zahanati kwenye kila kijiji. Serikali kupitia Serikali za Mitaa itaunga mkono juhudi za wananchi.
3. Kuna Uhaba mkubwa wa wataalam wa Afya wa kada mbalimbali ambao unaarithi ubora wa huduma zinazotolewa. Wizara ya Afya na TAMISEMI wanaombwa kusaidia katika kupatikana kwa Wataalam na Watumishi wengine wa Afya ili kuongeza ubora na ufanisi wa utoaji wa Huduma za Afya Mkoani.
4. Uhaba wa vitendea kazi mbalimbali kama vile ukosefu wa magari ya wagonjwa kwa Hospitali ya Mkoa na wilaya zote. TAMISEMI isaidie upatikanaji wa magari ya kubebea wagonjwa kwenye kila wilaya na Hospitali ya Mkoa.
5. Timu ya usimamizi ya shughuli za Afya ya Mkoa (RHMT) kutotambulika rasmi katika mfumo wa Tawala za Mikoa (Sekretarieti) na Mamlaka za Serikali za Mitaa. Tunapendekeza timu ya Usimamizi wa Huduma ya Afya Mkoa (RHMT) watambuliwe rasmi na TAMISEMI ili wawe sehemu ya Sekretarieti ya Mkoa kuimarisha usimamizi wa Huduma za Afya Mkoani.
6. Uhaba wa nyumba za watumishi wa Afya kuanzia ngazi ya mkoa mpaka vijijini ni tatizo kubwa. Tatizo limeongezeka baada ya Serikali kuwauzia watumishi nyumba zilizokuwa kwenye viwanja vya hospitali hususani wilaya ya Lushoto ambako nyumba kumi (10) zilizoko kwenye eneo la hospitali kuuziwa watumishi (sawa na kuuza hospitali ya Wilaya). Tunashauri Serikali itengue mauzo ya nyumba kama hizo nchini kote.