SERIKALI MKOANI TANGA YAHAIDI KUWEKA MAZINGIRA BORA KWA WAWEKEZAJI

Imewekwa tarehe: April 14th, 2023

Serikali Mkoani Tanga imesema itaendelea  kuhakikisha inaboresha na kuweka mazingira wezeshi kwa wawekezaji ili waweze kufanya  shughuli zao kwa ufanisi kwa manufaa ya mkoa na Nchi kwa ujumla.

Hayo yamebainishwa na Mkuu wa mkoa wa Tanga Mhe. Waziri Kindamba wakati wa ziara yake ya kutembelea viwanda mbalimbali vikivyopo mkoani humo.

Kindamba amesema nia ya serikali ni kuona wawekezajj wanafanya shughuli zao pasipo kuwa  na vikwazo lakini pia wananchi wananufaika na uwepo viwanda hivyo kwa kupata ajira.

"Nia ya Serikali ni kuweka mazingira rafiki kwa wawekezaji kufanya shughuli zao bila ya usumbufu huku wakiendelea kulipa kodi kwa hiari na watu wetu kupata fursa za kuajiriwa" amesema Kindamba

Aidha Mkuu wa mkoa amesema kuwa kutokana na uwekezaji mkubwa  unaofanywa  na serikali kwa wawekezaji kwa mwaka 2022 wawekezaji waliweza kuchangia kwa kulipa kodi  na tozo kwa serikali  takribani shilingi Bilioni 12.

"Nimepitia ripoti zao mwaka jana tu ukichukua tozo mbalimbali  na kodi za serikali wamechangia uchumi wa nchi yetu  karibu Bilioni 12 huku wakitoa ajira za wastani takribani watu 1200" aliongeza Kindamba.

Pia Mhe. Kindamba amewatoa hofu wawekezaji hasa wa viwanda  kuhusu suala la umeme na kuahidi kuwa mpaka kufikia Julai Mosi tatizo la umeme mkoani Tanga itakuwa Historia.

Nae msaidizi mkuu idara ya fedha idara  kiwanda cha kuzalisha saruji cha Maweni limestone    Peter  Shuma amesema kuwa maboresho ya bandari ya Tanga  yamesaidia kurahisisha shughuli za usafiri wa saruji kwenda maeneo mbalimbali ya ndani na nje ya nchi kwa urahisi.